التقينا عند (احبك) وافترقنا عند (باااي)

لعنبو قصة غرام كل ابوها كلمتين
ابتدينا عند (احبك) وانتهينا عند (باي)

تونا مابعد مشينا فالهوى لو خطوتين
وانتهى الموضوع كله حتى ما اعرف وش خطاي

انتهى الموضوع بكل سهوله تحكمين
وين احبك؟ وين اريدك؟ وين ساكن في حشاي؟

يمكن انك ماوفيت يوم جيتي تعشقين
ويمكن انك تحسبيني بتبعك من دون راي

ويمكن اصلا ماعشقتيني بس كنتي تلعبين
ويمكن انك ماوصلتي في هواك لمستواي

ويمكن اني ماعرفتك فالحقيقه وش تبين
ويمكن اني خنت نفسي..يوم اعطيك وفاي

علميني فالهوى يالجاهله وش تعرفين
تعرفين انك غديتي (شي) يجري في دماي

علميني فالعطاء والتضحيه وش تفهمين
لعنبو حبك عشانك عفت اقرب اقرباي

كنت احطك في عيوني تسرحين وتمرحين
كنت اشيل هموم قلبك وارمي همومي وراي

كنت اطير من السعاده يوم اشوفك تضحكين
كنت ذايب في هواك مثل سكر وسط مااي

كنت نايم فالعسل وارسم من الفرحه سنين
كنت اظنك قلب عاشق ماسكن وسطه سواي

ماوعيت الا وانتي في خفوقي تطعنين
ماوعيت الا وسيفك .. رايح وجاي

ورده اي والله ورده بس عرفتي تجرحين
كل شي فيني جريح الا فخامة كبرياي

ماتأثرت بغيابك..وش يعني دمعتين
بكره انسى صدقيني وارجع بكامل قواي

ادري ان حنا افترقنا بس ابفهم حاجتين
علميني وش كسبتي ؟ وعلميني وش خطاي

اصلا الموضوع كله ماتعدى كلمتين
التقينا عند (احبك) وافترقنا عند (باااي)[/size]

السلام عليكم ورحمه الله وبركاته
مشكور / ه على مشاركتك ويعطيك العافيه

تقبل مرورى ودمت سالمين

يسسسسسسسسسسسسلموااا ويعطيك العافيه