مات الأمل ياعزوتي والرجا خاب
وماتت بقايا السالفة عند بابـــــك
جرحتني والجرح الأول مــــاطاب
وتركتينى صفحه أسى فى كتابــك
ياللأسف بعيونك الشــــــعر كذاب
خنتي وخان الشعر حضرة جنابـك
الكحل يرفض مايبى زيف الأهداب
ماعاد مثل أول ينــادى هـــلا بــك
كنت أذا زرت تزفين الأعجــــــاب
حتى من الفرحه تركتى حجابــــــك
كأنك نسيتي مانست قبضه البـاب
وكأنك ذكرتي أذكرى ويش جابـــــك
تجرح خطاوى جيتك ليل الأحباب
وتطفي فوانيس السهر من عذابــــك
فيني من اجدادى مفاهيم الإعراب
سيفى حمت الله بعد يوم صــابـــــــك
خيل المسا خيالها مابعد شـــــاب
ماترتجف أقدامه ليا دق بابــــــــــك